پاکستان

پاکستان/cate1

انٹرنیشنل

انٹرنیشنل/cate2

کھیل

کھیل/cate4

انٹرٹینمنٹ

انٹرٹینمنٹ/cate5

ویڈیوز

ویڈیوز/cate6

آج کی خبریں

حکومت کا صحت انصاف کارڈ کے حوالے سے ایک اور انقلابی قدم | محسن دیجیٹل نیوز

کوئی تبصرے نہیں

اسلام آباد : حکومت نے صحت انصاف کارڈ کا نام اور ڈیزائن تبدیل کردیا، صحت انصاف کارڈ کا نیا نام قومی صحت کارڈ ہوگا۔

تفصیلات کے مطابق حکومت نے ایک اور انقلابی قدم اٹھاتے ہوئے صحت انصاف کارڈ کا نام اورڈیزائن تبدیل کردیا، ترجمان وزارت صحت کا کہنا ہے کہ صحت انصاف کارڈ کا نیا نام قومی صحت کارڈ ہوگا۔

ترجمان کے مطابق قومی صحت کارڈ کا اجرامرحلہ وار شروع ہونیوالے نئے اضلاع سے ہوگا، قومی صحت کارڈ پاکستان کا تاریخی اور انقلابی منصوبہ ہے، جس کے تحت غربت کی لکیرسے نیچےافراد کارڈ کے تحت علاج مفت کراسکتے ہیں۔

وزارت صحت کے ترجمان کا کہنا تھا کہ قومی صحت کارڈ کا دائرہ کار پورے ملک تک پھیلا دیا ہے، پاکستان کے90 اضلاع میں پروگرام جاری ہے۔

واضح رہے کہ فروری میں وزیر اعظم عمران خان نے کہا تھا کہ ریاست مدینہ کے اصولوں کے تحت پاکستان کو عظیم فلاحی ریاست بنایا جائے گا، اس سلسلے میں خیبر پختون خوا میں پہلی بار صحت انشورنس کا نظام لایا گیا ہے۔

اس سے قبل پنجاب میں صحت سہولت کارڈ بھی تقسیم کیے جا چکے ہیں، اس پروگرام کے تحت پنجاب میں 50 لاکھ خاندانوں کو ہیلتھ کارڈ فراہم کیے گئے۔

The post حکومت کا صحت انصاف کارڈ کے حوالے سے ایک اور انقلابی قدم appeared first on ARYNews.tv | Urdu - Har Lamha Bakhabar.



via Muhsen Digital News Urdu

عمان میں غیرملکیوں کے لیے بڑی خبر | محسن دیجیٹل نیوز

کوئی تبصرے نہیں

مسقط: عمانی وزارت افرادی قوت نے کہا ہے کہ وہ غیرملکی جو ہمیشہ کے لیے عمان چھوڑ کر جارہے ہیں انہیں اب واجب الادا جرمانے نہیں دینے ہوں گے۔

عرب میڈیا کی رپورٹ کے مطابق عمانی حکومت نے ان غیرملکیوں کی واجب الادا جرمانے کی رقم معاف کردی جو مستقل طور پر عمان چھوڑ کر جارہے ہیں، وزارت افرادی قوت نے حکمت عملی واضح کردی۔

رپورٹ کے مطابق کوویڈ 19 سے نمٹنے کے لیے قائم سپریم کمیٹی کی جانب سے مذکورہ فیصلہ کیا گیا جس کے بعد عمانی وزارت نے اس پالیسی پر مشتمل بیان جاری کیا، یہ قانون رواں سال کے اختتام تک نافذ رہے گا۔

عمانی ویزہ رکھنے والوں کیلئے خوشخبری، حکومت کا بڑا اعلان

وزارت افرادی قوت نے واضح کیا ہے کہ یہ پالیسی صرف غیرملکی شہریوں اور ملازمین کے لیے ہے جو ملکی مفاد کے طور پر عمان چھوڑ کر جائیں گے۔

عمانی وزارت کا یہ بھی کہنا تھا کہ غیرملکی ملازمین کو نوکری سے فارغ کرنے کی اجازت نجی سیکٹر کو ہوگی تاہم غیرملکیوں کی اپنے وطن واپسی سے قبل پرائیویٹ کمپنیوں کو اپنے ملازمین کے واجبات ادا کرنے ہوں گے۔

The post عمان میں غیرملکیوں کے لیے بڑی خبر appeared first on ARYNews.tv | Urdu - Har Lamha Bakhabar.



نائجیریا میں گیس ٹینکر میں خوفناک دھماکہ، 28 سے زائد افراد ہلاک | محسن دیجیٹل نیوز

کوئی تبصرے نہیں

ابوجا : نائیجیریا میں گیس ٹینکر میں زور دار دھماکے کے بعد آگ لگ گئی، واقعے میں9 بچوں سمیت 28 افراد ہلاک ہوگئے، دھماکے اور آتشزدگی سے کئی گاڑیاں بھی جل کر خاکستر ہوگئیں۔

تفصیلات کے مطابق نائیجیریا کے دارالحکومت ابوجا میں ایک گاڑی سے ٹکرانے کے بعد گیس ٹینکر میں زوردار دھماکہ ہوا، دھماکا اتنا شدید تھا کہ اس کی آواز دور دور تک سنی گئی۔

غیر ملکی خبر رساں ادارے کے مطابق دھماکا کے بعد ہونے والی آتشزدگی سے آس پاس کھڑی درجن سے زائد گاڑیوں میں بھی آگ لگ گئی، اندوہناک حادثے میں اب تک 28افراد کے ہلاک ہونے کی اطلاعات ہیں مرنے والوں میں نو بچے بھی شامل ہیں۔

اس حوالے سے روڈ سیفٹی ایجنسی کے عہدیدار نے میڈیا کو بتایا کہ وسطی نائیجیریا کی ریاست میں ٹرک بریک فیل ہونے کے بعد 5کاروں، 3رکشوں اور متعدد موٹرسائیکلوں سے ٹکرانے کے بعد الٹ کر دھماکے سے پھٹ گیا جس کے بعد خوفناک آگ لگ گئی۔

عہدیدار کے مطابق حادثے میں28افراد جاں بحق ہوئے متعدد افراد زخمی بھی ہوئے جنہیں قریبی ہسپتالوں میں منتقل کردیا گیا ہے۔

فیڈرل روڈ سیفٹی کارپوریشن کے ترجمان کے مطابق واقعہ ہائی وے پر واقع ایک پیٹرول اسٹیشن کے سامنے پیش آیا، ریاستی گورنر کا کہنا ہے کہ حادثے میں متعدد جانوں کا زیاں ہوا، ٹینکر میں آگ لگنے کے نتیجے میں متعدد گاڑیاں، املاک اور دیگر قیمتی سامان بھی تباہ ہوگیا۔

The post نائجیریا میں گیس ٹینکر میں خوفناک دھماکہ، 28 سے زائد افراد ہلاک appeared first on ARYNews.tv | Urdu - Har Lamha Bakhabar.



ٹام کروز اپنی فلم کی شوٹنگ کے لیے خلا میں کب جائیں گے؟ | محسن دیجیٹل نیوز

کوئی تبصرے نہیں

معروف ہالی ووڈ اداکار ٹام کروز نے خلا میں فلم کی شوٹنگ کے لیے امریکی خلائی ادارے ناسا سے معاملات طے کیے تھے اور اب ان کے خلا میں جانے کی حتمی تاریخ بھی سامنے آگئی ہے۔

سماجی رابطے کی ویب سائٹ پر خلائی مشن سے متعلق معلومات فراہم کرنے والے ادارے اسپیس شٹل المینیک نے ایک چارٹ شیئر کیا۔

اس چارٹ میں دیکھا جاسکتا ہے کہ اکتوبر 2021 میں اسپیس ایکس نامی کمپنی کے پائلٹ لوپیز الیگریا کے ہمراہ ٹام کروز اور معروف ہدایت کار ڈوگ لیمن بھی خلا میں جائیں گے۔

اس چارٹ میں خلا میں جانے کے لیے ان کے ساتھ ایک اور شخص کی سیٹ خالی ہے، تاہم اس پر کوئی نام سامنے نہیں آسکا ہے۔

خیال رہے کہ رواں برس مئی میں خبریں سامنے آئی تھیں کہ ٹام کروز فلم کی شوٹنگ کے لیے خلا میں جائیں گے۔ ایک امریکی اخبار کا کہنا تھا کہ آٹو کمپنی ٹیسلا اور راکٹ کمپنی اسپیس ایکس کے سربراہ ایلن مسک بھی اس منصوبے میں شامل ہوں گے۔

امریکی خلائی ادارے ناسا کے ایڈمنسٹریٹر جم برائیڈنسٹائن نے سماجی رابطے کی ویب سائٹ ٹویٹر پر ٹویٹ کرتے ہوئے کہا تھا کہ ناسا زمین کے مدار کے باہر بین الاقوامی خلائی اسٹیشن (اسپیس اسٹیشن) پر ٹام کروز کے ساتھ فلم کی شوٹنگ کے لیے پرجوش ہے۔

انہوں نے کہا کہ اس طرح کے مقبول میڈیم کے ذریعے انجینیئرز اور سائنسدانوں کی نئی نسل ناسا کے منصوبوں کو حقیقت میں بدلنے کے لیے متاثر ہوگی۔

The post ٹام کروز اپنی فلم کی شوٹنگ کے لیے خلا میں کب جائیں گے؟ appeared first on ARYNews.tv | Urdu - Har Lamha Bakhabar.



مولانا فضل الرحمان کو بڑا جھٹکا، اہم رہنما گرفتار | محسن دیجیٹل نیوز

کوئی تبصرے نہیں

پشاور : احتساب عدالت نے سابق ڈی ایف او اور جے یو آئی (ف) کے رہنما موسیٰ خان کو 6 روزہ ریمانڈ پر نیب کے حوالے کردیا،موسیٰ خان کو نیب نے گزشتہ روز متنی سے گرفتارکیا تھا۔

تفصیلات کے مطابق قومی احتساب بیورو (نیب ) پشاور نے سابق ڈی ایف او اور جے یو آئی (ف) رہنما موسیٰ خان کو گرفتار کرلیا، موسیٰ خان کوگزشتہ روزمتنی میں گرفتارکیا گیا۔

سابق ڈی ایف اوموسی ٰ خان کو احتساب عدالت میں پیش کیا گیا ، عدالت نموسیٰ خان کو 6 روزہ ریمانڈ پر نیب کے حوالے کردیا، سابق ڈی ایف او موسیٰ خان پرآمدن سےزائداثاثےبنانےکاالزام ہے۔

موسیٰ خان جے یو آئی ف کی مرکزی کونسل کے رکن اورتحصیل پہاڑ پور کے امیر ہے۔

یاد رہے قومی احتساب بیورو (نیب) خیبرپختونخواہ نے مدن سے زائد اثاثہ کیس میں جمعیت علماء اسلام ف کے سربراہ مولانا فضل الرحمان کو آئندہ ہفتے یکم اکتوبر کو طلب کرلیا ہے۔

ذرائع کے مطابق نیب نے مولانا فضل الرحمان کی طلبی کا نوٹس بھی جاری کردیا ہے۔

خیال رہے یاد رہے کہ چند روز قبل نیب کے چیئرمین جسٹس (ر) جاوید اقبال نے واضح کیا تھا کہ احتساب کا عمل تمام سیاسی جماعتوں، گروپ اور افراد کے لیے ہے کیونکہ ہم احتساب کی پالیسی پر عمل کررہے ہیں۔

انہوں نے کہا تھا کہ ’ہماری دوستی ریاست پاکستان کے ساتھ ہے اور ادارہ کرپشن کر کے لوٹے ہوئے پیسے کی واپسی کے لیے اقدامات کررہا ہے‘

The post مولانا فضل الرحمان کو بڑا جھٹکا، اہم رہنما گرفتار appeared first on ARYNews.tv | Urdu - Har Lamha Bakhabar.



via Muhsen Digital News Urdu

چنیوٹ میں 14 سالہ لڑکی سے زیادتی، 3 ملزمان گرفتار | محسن دیجیٹل نیوز

کوئی تبصرے نہیں

چنیوٹ: صوبہ پنجاب کے شہر چنیوٹ میں پولیس نے 14 سالہ لڑکی سے اجتماعی زیادتی کرنے والے 3 ملزمان کو گرفتار کر لیا۔

تفصیلات کے مطابق چنیوٹ کے علاقے رجوعہ میں 14 سالہ لڑکی کو اغوا کر کے زیادتی کا نشانہ بنانے والے 3 ملزمان کو پولیس نے گرفتار کر لیا۔

پولیس نے لڑکی کے چچا کی درخواست پر کارروائی کرتے ہوئے ملزمان کو گرفتار کیا۔پولیس حکام کا کہنا ہے کہ لڑکی کا میڈیکل کروایا جا رہا ہے۔

لڑکی نے پولیس کو دیے گئے بیان میں بتایا کہ والد سے ناراض ہو کر گھر سے نکلی تھی،2 افراد نے اغوا کیا، ایک ہفتے تک یرغمال بنا کر زیادتی کا نشانہ بنایاگیا۔

ڈی پی او بلال ظفر نے بتایا کہ 14سالہ لڑکی سے زیادتی کرنے والے 3 ملزمان کو گرفتار کر لیا گیا ہے، ملزمان میں 2 بھائی اور ایک کزن شامل ہے۔انہوں نے کہا کہ ملزمان کے خلاف مقدمہ درج کر لیا گیا ہے۔

فیصل آباد: 5 ملزمان کی اغواء کے بعد لڑکی سے اجتماعی زیادتی

یاد رہے کہ گزشتہ ہفتے فیصل آباد میں اجتماعی زیادتی کا واقعہ رپورٹ ہوا تھا ،جہاں جھنگ بازارسے پانچ ملزمان نے لڑکی کو اغوا کرنے بعد اجتماعی زیادتی کا نشانہ بنایا تھا۔

The post چنیوٹ میں 14 سالہ لڑکی سے زیادتی، 3 ملزمان گرفتار appeared first on ARYNews.tv | Urdu - Har Lamha Bakhabar.



via Muhsen Digital News Urdu

سیفٹی سے متعلق تحفظات ، سول ایوی ایشن اتھارٹی کو نئے لائسنسنگ کے اجرا سے روک دیا گیا | محسن دیجیٹل نیوز

کوئی تبصرے نہیں

اسلام آباد: انٹر نیشنل سول ایوی ایشن آرگنائزیشن  نے سول ایوی ایشن اتھارٹی کو نئے لائسنسنگ کے اجرا سے  روک دیا اور جاری لائسنس پر 29ستمبر تک وضاحت طلب کرلی ہے۔

تفصیلات کے مطابق انٹر نیشنل سول ایوی ایشن آرگنائزیشن نے سول ایوی ایشن پر سیفٹی سے متعلق تحفظات کااظہا ر کرتے ہوئے اکاؤ نے سول ایوی ایشن اتھارٹی کو نئے لائسنسنگ کےاجراسے روک دیا۔

سی اے اے کو ہدایت کی گئی ہے کہ نئے لائسنس جاری نہ کئے جائیں ، سی اے ا ے کو گزشتہ جاری لائسنس ریویو کرنے کی ہدایت کی گئی تھی جبکہ سی اےاے کے جاری لائسنس پر 29ستمبر تک وضاحت طلب کرلی ہے۔

ذرائع کے مطابق تسلی بخش جواب نہ دینے پر ایس ایس سی لاگو کر دیا جائے گا۔

اکاؤ نے کنٹرولر،انجینئر،پائلٹس کو لائسنس کےاجرا کے طریقہ کار پر بھی عدم اطمینان کا اظہار کرتے ہوئے کہا ہے کہ سول ایوی ایشن اتھارٹی سیفٹی کے معیار پر پورا نہیں اتر رہی۔، سی اےاے کے اجرا کے موقع پر سیفٹی اور عالمی قوانین کو نظرانداز کیا جارہا ہے۔

ذرائع سی اے اے کا کہنا ہے کہ سول ایوی ایشن اتھارٹی اکاو کے تحفظات دور کرنے پر تحریری جواب دے گی۔

The post سیفٹی سے متعلق تحفظات ، سول ایوی ایشن اتھارٹی کو نئے لائسنسنگ کے اجرا سے روک دیا گیا appeared first on ARYNews.tv | Urdu - Har Lamha Bakhabar.



via Muhsen Digital News Urdu

پاکستان نے ایف اے ٹی ایف کا بڑا تقاضا پورا کردیا، گرے لسٹ سے نکلنے کے امکانات روشن | محسن دیجیٹل نیوز

کوئی تبصرے نہیں

اسلام آباد : صدر مملکت عارف علوی نے انسداد منی لانڈرنگ ترمیمی ایکٹ2020کی توثیق کردی ، انسدادمنی لانڈرنگ ترمیمی ایکٹ 2020 فوری نافذ العمل ہوگا۔

تفصیلات کے مطابق پاکستان نے ایف اے ٹی ایف کا بڑا تقاضا پورا کردیا، انسداد منی لانڈرنگ ترمیمی بل باقاعدہ قانون بن گیا۔

صدر مملکت نے انسداد منی لانڈرنگ ترمیمی ایکٹ2020کی توثیق کردی ، قومی اسمبلی سیکریٹریٹ نے بھی صدر کے دستخط کی تصدیق کردی ہے۔

انسداد منی لانڈرنگ ترمیمی ایکٹ 2020 فوری نافذ العمل ہوگا ، نئے قانون کے تحت منی لانڈرنگ میں ملوث افراد ،اداروں کو سخت سزائیں ہوں گی اور قومی ادارے مل کر دہشت گردوں کی مالی معاونت روکنے کے اقدامات کریں گے۔

حکومتی ذرائع کا کہنا ہے کہ پاکستان کے گرے لسٹ سے نکلنے کے امکانات پیدا ہوگئے ہیں جبکہ صدر مشترکہ اجلاس میں منظور ہونیوالے باقی 7بلز پر پہلے ہی دستخط کر چکے ہیں۔

یاد رہے اس سے قبل انسداد دہشت گردی ترمیمی بل اور اقوام متحدہ سلامتی کونسل ترمیمی بل منظور کئے گئے تھے ، منظور شدہ بل میں دہشتگردوں کی مالی معاونت کرنیوالوں کیخلاف سنگین قوانین متعارف کرائے گئے ہیں ، قوانین ایف اے ٹی ایف کی ہدایات کی روشنی میں تیارکئے گئے ۔

انسداد دہشتگردی ایکٹ اورتعزیرات پاکستان میں ترامیم متعارف کرائی گئی تھی ، منظورشدہ بل میں ترمیم میں کہا گیا مشتبہ دہشت گرد کو قرض دینےوالے شخص کو ڈھائی کروڑجرمانہ ہوگا جبکہ مشتبہ دہشت گرد کو قرض دینے والے ادارے کو 5 کروڑروپےجرمانہ ہوگا۔

The post پاکستان نے ایف اے ٹی ایف کا بڑا تقاضا پورا کردیا، گرے لسٹ سے نکلنے کے امکانات روشن appeared first on ARYNews.tv | Urdu - Har Lamha Bakhabar.



via Muhsen Digital News Urdu

کرونا وائرس: بلوچستان میں مزید 158 نئے کیسز رپورٹ | محسن دیجیٹل نیوز

کوئی تبصرے نہیں

کوئٹہ: محکمہ صحت بلوچستان کا کہنا ہے کہ صوبے میں کرونا وائرس کے فعال کیسز صرف 8 فیصد رہ گئے ہیں جن کی تعداد 13 سو 36 ہے، گزشتہ 24 گھنٹوں کے دوران کرونا وائرس کے 158 کیسز رپورٹ ہوئے۔

تفصیلات کے مطابق محکمہ صحت بلوچستان کا کہنا ہے کہ صوبہ بلوچستان میں گزشتہ 24 گھنٹوں کے دوران کرونا وائرس کے 158 کیسز رپورٹ ہوئے، بلوچستان میں 2 روز کے دوران 266 کیسز رپورٹ ہوئے۔

محکمہ صحت کا کہنا ہے کہ صوبے میں کرونا کیسز کی مجموعی تعداد 14 ہزار 765 ہوچکی ہے، گزشتہ 5 روز کے دوران 701 کیسز رپورٹ ہوئے۔

محکمہ صحت کے مطابق کرونا وائرس میں مبتلا 13 ہزار 384 مریض صحت یاب ہو چکے ہیں، صوبے میں فعال کیسز صرف 8 فیصد رہ گئے ہیں جن کی تعداد 13 سو 36 ہے۔

رپورٹ میں کہا گیا کہ بلوچستان میں کرونا وائرس سے اموات کی مجموعی تعداد 145 ہوچکی ہے۔

بلوچستان سمیت ملک بھر میں کرونا وائرس کے مجموعی کیسز کی تعداد 3 لاکھ 8 ہزار 217 ہوچکی ہے جن میں سے فعال کیسز کی تعداد 7 ہزار 388 ہے۔

ملک میں 2 لاکھ 94 ہزار 392 کرونا مریض صحتیاب ہو چکے ہیں جبکہ کرونا وائرس سے اموات کی تعداد 6 ہزار 437 ہوگئی ہیں۔

The post کرونا وائرس: بلوچستان میں مزید 158 نئے کیسز رپورٹ appeared first on ARYNews.tv | Urdu - Har Lamha Bakhabar.



via Muhsen Digital News Urdu

عمانی ویزہ رکھنے والوں کیلئے خوشخبری، حکومت کا بڑا اعلان | محسن دیجیٹل نیوز

کوئی تبصرے نہیں

مسقط: خلیجی ملک عمان نے یکم اکتوبر سے بین الاقوامی پروازوں کی بحالی کا اعلان کردیا جس کے تحت اب کارآمد ویزہ رکھنے والے افراد عمان پہنچ سکیں گے۔

عرب میڈیا کی رپورٹ کے مطابق دیگر ممالک میں پھنسے عمانی ویزہ ہولڈرز یکم اکتوبر سے ملک واپس پہنچ سکیں گے کیوں کہ حکومت نے بین الاقوامی پروازوں کی بحالی کا اعلان کردیا ہے۔

رپورٹ کے مطابق عمانی سپریم کمیٹی برائے کرونا روک تھام کی جانب سے اعلان کیا گیا ہے کہ عمان کے کارآمد ریزیڈنٹ کارڈ اور ویزہ ہولڈرز کی یکم اکتوبر سے وطن واپسی کا سلسلہ شروع ہوجائے گا۔

عمان میں حالیہ دنوں اعلیٰ نگران کمیٹی کا اجلاس ہوا تھا جس میں فیصلہ کیا گیا تھا کہ ملک میں انٹرنیشنل فلائٹس بحال کردی جائیں گی جبکہ اب بین الاقوامی پروازوں کی بحالی کا باقاعدہ اعلان کیا جاچکا ہے۔

دیگر ممالک سے پروازیں عمان آسکیں گی اور عمان سے دیگر ممالک کے لیے بھی پروازیں روانہ ہوں گی، ابتدائی طور پر ایسے اسٹیشنز سے پروازیں بحال ہوں گی جہاں کرونا کی وبا پر کافی حد تک قابو پایا جا چکا ہے۔ بین الاقوامی پروازوں کی بحالی مرحلہ وار ہوگی جس کے لیے تمام تیاریاں مکمل کرلی گئیں۔

The post عمانی ویزہ رکھنے والوں کیلئے خوشخبری، حکومت کا بڑا اعلان appeared first on ARYNews.tv | Urdu - Har Lamha Bakhabar.